Аван-и, тăвансем?
«Хавал» чăваш халăх пĕрлешевĕн ячĕпе, сире савăнăçлă хыпар çитерме — пит хавас!
2013 çулхи акан 10-мĕшĕнчен пуçласа VK.com (КонтактРа) сайтăн Чăвашла версийĕ ĕçе янă.
Чăвашла интерфейс ярас тесе, Майлаштру менÿре, Вырăнти майлаштару пайра, чĕлхесен йышĕнче "Чăвашла" тупса суйласа ил, вара "Улăштар" çине пус.
Чăвашла Версийĕ (ЧВ) тестлă мелĕн ĕçлет халĕ, çавăнпа улăштарнисемпе çĕнĕлĕхсем пулма пултараççĕ.
Кӑҫал смартфонсем тата айфонсем валли пӗр чӗлхепе хутшӑнма кӑмӑллӑ ҫынна шыраса тупма ҫӗнӗ хушӑм тухать! Пӗтӗм тӗнчери чӗлхесемпе пӗрле чӑвашла верси те пулӗ!!!
Юпа уйӑхӗн 11-мӗшӗнче Чӑваш Республикин вӗренӳ министерствинче Чӑваш чӗлхин пӗрлехи комиссийӗн ларӑвӗ иртрӗ. Унта 4-5 ыйту сӳтсе яврӗҫ. Чи малтанах тӳрлетнӗ орфографи правилисене халӑх патне ҫитересси пирки калаҫрӗҫ. Калаҫу каллех пӗрле е уйрӑм ҫырасси ҫине куҫма пуҫланӑран ыйтӑва хӑвӑртрах пӗтӗмлетме шутларӗҫ. Юрий Виноградова вара орфографи словарьне хӑвӑртрах хатӗрлесе ҫитерме сӗнчӗҫ. Ӑсчах хальхи вӑхӑтра П тата Р саспаллисемпе ӗҫлени пирки пӗлтерчӗ.
Туссем! Сире лайӑх хыпар пӗлтерме васкатпӑр! «Хавал» чӑваш халӑх пӗрлешӗвӗ вырӑс шкулӗсенче чӑваш чӗлхи вӗренекен пӗрремӗш класс ачисем валли диск кӑларчӗ.
